Аптаның бір күнін ағылшын тілінде сөйлесу күні деп белгіледік. Бұл күні оқушылар да, ұстаздар да осы тілде сөйлесуі тиіс. Оқушылардан гөрі өзімізге қиын тиген сыңайлы. Өмір бойы оқу осыдан шығады. Мұғалімдерге арналған ,,Ағылшын тілін үйрену" клубын ашу керек. 

Қалалық ғылыми жоба байқауынан орын алған оқушыларды және облыстық ғылыми жоба байқауынан орын алған Аязова Маржанды, ұстаздарды құттықтаймын. Алар асулар алда.

АИТВ-ның алдын алу айлығы бойынша, 07.12.2018 жылы №2 қалалық емхананың "Жаннұр жастар орталығы" психологы Қалдыбекова Г.Б. СӨС маманы С.А.Ыбырайымовамен 9-11 сыныптар арасында кездесу ұйымдастырылды.

Қараша айының 21 жұлдызы 4 "в" сынып оқушылары мен сынып жетекшісі Сметуллаева Сайера "Құқұқ бұзушылықтың алдын алу, зорлық зомбылықсыз балалық шақ" атты тақырыпта тәрбие сағатын өткізді. Оқушылар жақсы ой түйіндеді.      

Тараз инновациялық- гуманитарлық университеті ұйымдастырған облыстық "Шерхан Мұртаза " оқулары байқауында 11- сынып оқушысы Мүсілім Айгерім 2- орынды иеленді.

Сенбі күні оқушылардың бос уақытын ұйымдастырып, әртүрлі жарыс, саяхат,сенбілік,шығармашылық жұмыстар жүргізіледі. Бүгін,, Күз мерекесі,, байқауы өтіп, ата - аналар мен жарыс жанкүйерлері де белсенділік танытты.

3 қараша күні құқықтық білім беру мен құқық бұзушылықтың алдын алу бағытында атқарылған жұмыстардың қорытындысы жасалды. Аталған іс шара бірнеше бағытты қамтып, ата - аналар да қатысты. Оқушылар сурет салды, өлең оқыды, көріністерде ойнады, би биледі. Оқушы мен ата- ананың құқықтық білімі артты. Әр бала бақытты отбасында тәрбиеленсе еліміздің еңсесі биік, болашағы түзу.