Тамақтанудың сапасына мониторинг жүргізуін тексерудің қорытындысы

Тамақтану сапасына мониторинг жүргізудің қорытындысы

2018-2019 оқу жылы, қазан айы

Мектеп-гимназия директорының 2018 жыл 31 тамыз №164/1 бұйрығы негізінде 2-қазан күнімектептегі тамақтандырудың сапасына мониторинг жөніндегі комиссиясы мектеп асханасының жұмысына тексеру жүргізді. Тамақтандырудың сапасы басшылыққа алынды.

Тексеру жүргізгендер:
 1.Есеева Р.Р - комиссия төрайымы, мектеп - гимназия директоры
 2.Асанова Н.Б – мүшесі,директордың оқу-тәрбие ісі жөніндегі орынбасары
 3.Иманбай Ә - мүшесі әлеуметтік педагог
 4.Қуанышбекова Т  - мүшесі, мектеп медбикесі
 5.Лесбаев Т - мүшесі,кәсіподақ ұйымының төрағасы
 6.Абдрахманова Д – ата-аналар комитетінің төрайымы

7. Құлманова – ата-аналар көмитетінің мүшесі

Күн тәртібінде: тамақ өнімдерінің сапасына, тағамдарды дайындау технологиясына, тоңазытқыш тезнологиялық жабдықтардың жарамдылығына, өнімдердің және дайын тағамдардың сақтау мерзімдері мен жағдайлардың сақталуы туралы мәселе қозғалды.

     №30 мектеп-гимназияда жалпы оқыту қорынан тегін ыстық тамақпен 240 оқушы қамтылған. Асханада оқушылардың тамақтануын сынып жетекшілер және әлеуметтік педагог қадағалайды.
 Мектеп асханасының санитарлық жағдайы асхананың жалпы тазалығы, ыдыс-аяқтардың тазалығы,азық-түлік сақтайтын қоймалар,жеміс-көкөніс сақтайтын орындар,тамақ әзірлейтін ,ыдыс-аяқ жуатын бөлмелер ,азық-түліктердің сақталуы мен тұтыну мерзімі талапқа сай. Шикізаттың жеткілікті қолданылуы дайын астың оқушыларға таратуға болатыны мен сапасы туралы брокераждық журнал уақытылы толтырылған.Бекітілген мәзір бойынша дайын ас көлемінің тамақ әзірлеуге азықтардың дұрыс салынуы мен дайын ас шығымы өз деңгейінде.Тәуліктік сынама алу мен сақталуы қамтамасыз етілген. Ата-анамен басқа бақылаушылыр тарапынан «Тамақтануға байланысты кемшіліктерді тіркеу» журналы арналған.

     Мектеп асханасының көрінетін жерінде дұрыс тамақтану бұрышы ұйымдастырылып, «Бақылау асы» қойылған.Күнделікті және апталық ас мәзірі салыстырмалы түрде тексерілді. Тексеру барысында асханада айтарлықтай кемшіліктер анықталмады. 

     Комиссия асхана жұмысын жан-жақты тексеріп,төмендегідей шешімге келді.
 Шешім 
 1.Тамақ өнімдерінің сапасы,тағамдардың дайындалу технологиясы талапқа сай.
 2.Асханадағы тазалық ережелерінің нормалары сақталған.
 3.Азық-түліктердің сақталуы мен тұтыну мерзімі талапқа сай.
 4. Бекітілген мәзір бойынша дайын ас көлемінің шығымы өз деңгейінде.
 
 Ұсыныс 
 1.Оқушылардың мектеп асханасынан күнделікті тамақтануы мектеп медбикесі,сынып жетекшілер және әлеуметтік педагог тарапынан қадағалансын.
 2.Асхана жұмысы комиссия мүшелері тарапынан үнемі бақылансын.